Vossa mesterskapet Seimen Open

Ei flott golfhelg med Vossamesterskapet Open er over, og det spesielle i år var at vi hadde fått med oss Byggevarehuset Seimen AS på laget med fantastiske premiar i par mesterskapet på lørdag. Heile 48 deltakarar stilte til start på tross av YR sine litt dystre varsel.

Nedanfor ein del bilde frå rundt omkring på banen både lørdag og søndag. Og som de ser; været vart som vanlig ikkje så gale som meldt, med alt frå strålande sol til litt kraftige regnbyger, og det var ivrige og glade golfarar rundt omkring på heile banen!🏌️‍♀️🏌️‍♂️

Ein viktig del av alle turneringar på Voss er det sosiale, og ofte lagar vi i stand turneringsmat både for å metta magane, og for å kunna samlast rundt matbordet, og ikkje berre på banen. Denne gong var det Ingebjørg som gjorde ein kjempejobb med å laga mat til ein drøss med svoltne golfspelarar på ein lang golfdag med 9 + 9 + 9 hol! Og hyggelig vart det, både rundt matbordet og ved premieutdelingen!⛳️

Og vinnarar vart kåra begge dagar; I parmesterskapet på lørdag var det Randi Østvik og Egil Østvik som stakk av med ein suveren seier, og på søndag var det Svein Oliver Vedaa, Christoffer Eliassen og Ingeborg Hovland som vann kvar sine klassar.🥇

Nedenfor bilde av premievinnarane, som inkuderte både lengste og korteste drive, closest to pin, sisteplass, og ikkje minst dei heldige Morten Farestveit og Andreas Oppedal som vart trekt på scorekort til å vinna hovedpremien. Link til fullstendige resultatlister frå lørdag finn de HER, og søndagens resultatlister HER.🏆

Til slutt vil vi igjen takka Byggevarehuset Seimen AS for eit fantastisk bidrag med premiar, som friska opp årets Vossamesterskap, og gjorde det ekstra spennande for alle som var med!

Vi håpar å få utvikla Vossamesterskapet vidare saman med vår gode sponsor og samarbeidspartner i åra som kjem! Og som alltid; Våre sponsorar støttar oss, vi støttar dei i våre innkjøp! VELKOMMEN TIL GOLF PÅ VOSS!🏌️‍♀️🏌️‍♂️